طريقة فتح حساب لمسجلي حــافز باختصار...

طبعاً حبايبي بناتي اولادي ...اللي سجل بياناته في حافز وخلص لنهاية الدور

طبعاً لازم يكمل الجزء الثاني من المسلسل وهو اهم شيء " فتح حساب بالبنك "
طبعاً فتح الحساب عمليه سهله ...ماتستغرق ساعه

اللي معه حساب بالبنك من قبل يطلب رقم الايبان as ..ونشالله يرشوك بالفلوس كل شهر فيه !

بس اللي ماعنده يفتح حساب جيبي مصطحب دفتر العائله للي مامعها بطاقة شخصيه فهمتو عليه

او حساب شخصي يسموه ( المطلوب الاسم كاملاً ورقم الهويه بس منك ) خاص فيك عيوني مو لأبوك واخوك

ويعطونك بطاقة صراف فيها البيانات زي طلبة الجامعة ومكافأتهم اللي تتحول لهم ..

طبعاً مايضيفون فيه اي مبلغ ....بس يستقبل وينسحب منه الي يدك وعليك بالعافيه ..

طبعاً انا بعد الفوضى اللي سويتها بالبيت وبالساحه العائلية عشان الحالة الاجتماعيه لدى البعض

" تحرينا عن الموضوع بشكل شخصي " حقت الاحوال ..قالو ان هالشيء عادي ولايهم

لأنه المعونه تمشي عالمتزوج وغير متزوج والغير معروف هههههههه << امزح عاد !!

اي يعني حالتك غير معروفه عادي لاتخافي حبيبتي بردي على قلبك بايسكريم مثلج

لأنه التحديث بالموقع لازال ..والوضع قابل للتصحيح لاحقاً حسب ماقيل . على ذمة موظف الاحوال !!

فيـــاليت تدعون لي من قــلب صادق انه الله يحقق مرادي بالقريب العاجل ...

الموضوع للي مامعه خلفيه عن هالشيء فقط اردنا التوضيح لمن يريد ...

بالنسبـــة للغات ...والمهارات ...ركزو فيها ...يعني حطو متوسط مبتدىء ( انجليزي ) ( ممتاز عربي بضغط زر اخرى ) ان شاء الله فهمتو عليه
حسب مافهمت ذي تسرع من عملية الوظيفة والله اعلم ...( مهارة التفاوض ، مهارة البحث ، مهارة التحليل ، الكتابة السريعه ع ورد ...يعني وسعو
صدوركم وطلعو مواهبكم ترى اتكلم جد ..الله يفتح علينا وعليكم ) ...

وشغلة فنيو اختصاص ومديرو اختصاص ( طبعاً للطلبة الثانوية مالكم شغل فيهم اختارو على قدكم ..يعني كتيبة استقبال ، استعلام
بائع ، كاتب ، عامل نظافه وكوي ملابس ، كشري مدري كاشير مثل كذه ...مندوب مبيعات ....لان بعض الاختصاصات خاصة بالبكالوريس وبالماجستير
اما عاد وظيفة في السلك الدبلوماسي اشتهيتها والله ...فيني اروح على كــندا شويــه سياحه ) !!


لهنيا خلصنا وسامحوني عالاطالة ..